China é o país con maior demanda de robots industriais

Berlín, 24/03/2015 (O Pobo en Línea)- La Sociedad Internacional de Robótica de Frankfurt publicou o 23 de marzo un estudo sobre o crecemento da demanda de robots industriais no mundo en 2014 segundo unha lista de vendas. Segundo a investigación, Asia segue sendo a rexión con máis demanda deste tipo de robots, e China, cun crecemento do 54% da demanda, é o país que máis necesita os robots industriais neste momento.

Segundo a asociación, no mercado chinés en 2014 vendéronse un total de 56.000 robots industriais, incluíndo 16.000 unidades de vendedores locais. Dous dos maiores provedores estranxeiros seguen sendo o grupo suízo ABB e a empresa alemá KUKA entre outros.

O informe sinala que en 2014, a venda de robots industriais moveu no mundo máis de 5.900 millóns de dólares, ano no que se venderon aproximadamente 225.000 unidades, un 27% máis que en 2013. As vendas aumentaron en todas as rexións do mundo, pero en Asia este aumento representou case dous terzos. O informe tamén mostra que o ano pasado, despois de China, os países con máis demanda de robots industriais foron Corea do Sur, Xapón, Estados Unidos e Alemaña nesta orde. Estes cinco países cubriron o 75% das vendas mundiais de robots industriais.